የምክር ቤቱን ፕሮግራምና ዓላማዎች በልዩ ልዩ መንገዶች ለሕዝብ እንዲዳረስና እዲሰርጽ ያደርጋል፤ በህልውና ትግሉ በህዝባዊ ተሳትፎ እንዲደገፍ ያስተምራል፤ ወገናችን የመደራጀትን አስፈላጊነት አውቆ ወገናችን ምክርቤቱን እንዲቀላቀል ወይም እንዲደግፍ ይቀሰቅሳል፤ ዐማራው ያሉትን እሴቶችና ሁለንተናዊ እውነታዎች የማሳውቅ ፕሮግራሞችን ያዘጋጃል።

የምክርቤቱን ስራ በሚያግዝ መልኩ የተለያዩ የዐማራ ድርጅቶችንና ተፅዕኖ ፈጣሪ ግለሰቦችን በአንድነትና በጋራ በመሰባሰብ ብሎም በመተባበር የሕልውናውን ትግል በጋራ እንዲያጠናክሩ ስልቶችን ይቀይሳል፣ መልካምና ጤናማ ግንኙነቶችን ይዘረጋል፣ ግብዐታቸውንም ይከታተላል፣ ተያያዥ ጥናቶችንም ያካሂዳል፣

ምክርቤቱ ለሚዘረጋቸው ፕሮጀክቶች ማስፈጸምያ፣ የአማራውን ህልውና ትግል የሚያግዙ ተቋሞች እገዛ፣ አማራው ተናቦ የህዝባዊ ትግሉ ጠንካራ ተሳታፊ እንዲሆን የቅስቀሳና ልዩ ፕሮግራሞችን እውን ለማድረግ የሚያበቃ የገንዘብ ማሰባሰብ ያደርጋል።

የውጭ ግንኙነት ክፍል ብዙ ኃላፊነቶች ያካተተ ሲሆን ዋንኛው ኝ ከተለያዩ መንግስታት፣ ዓለም አቀፋዊና አህጉራዊ ድርጅቶች ጋር ግንኙነት በመፍጠር የምክርቤቱን ዓላማ ማስተዋወቅና በዐማራው ላይ የሚደርስበትን የዘር ማጥፋት ውንጀልና የታወጀበትን ኢፍትሐዊ የሆነ ጦርነት በግልፅ እንዲያውቁት ጥረቶችን ያደርጋል፣ ድጋፍንም ያሰባስባል።

ለምክር ቤቱም ሆነ በምድር ላይ ላሉት የትግልና የሥራ እንቅስቃሴዎች ግብአት ሊውሉ የሚችሉ የገንዘብ ርዳታዎች ማሰባሰቢያ ዕቅዶችና ሊረዱ ወይም ሊጠቅሙ ይችላሉ የሚላቸውን ንድፈ ሃሳቦች ይቀርጻል፤ የተለያዩ ንኡስ ኮሚታዎችን አቋቁሞ ያስፈጽማል።

የፖለቲካ ክፍል ዋነኛ ሥራው በመሬት ላይ መፈጠርና መመስረት የሚገባውን የፖለቲካ አደረጃጀት በማንኛውም አስፈላጊ በሆኑ ግዳዮች ላይ ርዳታ መስጠት እና መሳተፍ ነው።

የህልውና ትግል ክፍል ብዙ የኃላፊነት ዘርፎች ያሉት ሲሆን ዋንኛው ግን ሁሉንም የዐማራ አካባቢዎችን ባማከለ መልኩ በመሬት ላይ ካሉ የትግሉ መሪዎች ጋር አብሮ በመስራት ያሉትን አደረጃጀቶች በአንድ ማእከላዊ ተቋም ስር እንዲካተቱ መጣርና ለዚህም ተፈፃሚነት የተለያዩ መንገዶችን በመትለሙ ላይ እገዛ ማድረግ ነው።

ምክር ቤቱ ሊመራበት የሚገባቸውን ፖሊሲዎችን ያጠናል፤ የዐማራውን ዘርፈ በዙ ችግሮች ያጠናል ይመረምራል፤ የመፍትሔ ሀሳቦችንም ያፈልቃል፤ ተግባራዊም የሚሆኑበትን መንገድ ያዘጋጃል።

ይህ ክፍል ብዙ ኃላፊነቶች ያሉት ሲሆን በዋነኛነት ለመረጃ ሥራ ውጤታማነትና ለቀልጣፋ የመረጃ ልውውጥ የሚያመች የአመራርና የአሠራር ግንኙነት ዘዴ ያጠናል፤ ተግባራዊም ያደርጋል፤

ይህ ክፍል ብዙ ኃላፊነቶችን ያሉት ሲሆን አንዱና ዋናው ከአባላት መካከል ሥልጠና ወይም ትምህርት ቢሰጣቸው ለምክር ቤቱ ብሎም ለሕልውናው ትግል ጥንካሬ ያግዛሉ የሚባሉትን እያጠና እንዲሰለጥኑ ወይም እንዲማሩ ያደርጋል፤ እንዳስፈላጊነቱ የህልውና ትግል አመራሮችና አባላት የአመራር ክህሎትን ማዳበር እንዲቻል በልክ የተቀመሩ ስልጠናዎችን ያዘጋጃል።

ይህ ክፍል የምክርቤቱ አባላት አመራርና አባላት፣ የህልውና ትግል ተሳታፊዎች፣ እንዲሁም የዐማራ አንቂዎች እራሳቸውንና ትግሉን በሚጠብቅ መልኩ የመገናኛ ቴክኖሎጂዎችን እንዲጠቀሙ የሚያስችል በጥናት ላይ የተመሰረት መፍትሄዎችን ያዘጋጃል፤ ለተጠቃሚዎችም ስልጠናና ምክር ይሰጣል።